O pasado 27 de febreiro de 2018, morreu Sergio B. Landrove, o autor desta bitácora, encomendoume a edición das súas obras literarias rematadas e nesa tarefa ando ocupado dende aquela.
Emilio Gancedo dedicoulle nas páxinas culturais de Diario de León, un dos primeiros xornais que acolleu a súa obra, unha agarimosa reseña-obituario .
Poden ler o artigo no cibersitio do xornal nesta ligazón.
Naceu en Ponferrada (León) e traballa como letrado da administración de xustiza na Coruña. Fai parte do colectivo lugrisán In Nave Civitas, da comparsa As Orzaneiras e é asesor do Consello de Redacción de 15/15\15, revista para unha nova civilización na que ten publicado artigos, entrevistas, contos e poemas. Editou literariamente "Orixe orzánica das sereas todas" (Alvarellos, 2021), o discurso de ingreso na Academia Galega de Urbano Lugrís González e publicou un poemario decrecentista "Fuxidío mañá" (Ediciós da mitocondria, 2022). Colabora ocasionalmente con Luzes de Galicia, Praza pública, Xornal da Coruña, Fonte limpa, La opinión de A Coruña e La Voz de Galicia. Como albacea literario de Sergio B. Landrove edita e coordina Constelación decimoctava.
